وانا واقف باكل جيلاتي !!!!!!

وانا واقف باكل جيلاتى...
فكرت اروح اصالح مراتى...
اصلها من بعد اخر خناقه...
وهيا قاعده عند حماتى...

المشكله انها بتحب تنرفزنى..
وان زعلتها تقولى طلقنى..
واول ياناس مااقبض المرتب...
على طول ساعتها بتاخده منى...

وانا واقف باكل جيلاتى...

وتروح تشترى اشيك هدوم...
تنزل الصبح وتجي اخر اليوم...
ولو رجعت مالقتش الغدا...
تقوم حبسانى فى البدروم...

وانا واقف باكل جيلاتى...


وفى يوم قالتلى عايزة عده...
وكمان هنزل اجيبها النهارده...
ايدك بقه على الف جنيه...
رحت قوام مديها بالمخده...

وانا واقف باكل جيلاتى...

قامت وقعت وخدت اللحاف..
وفضلت قاعد انا مش هخاف...
فجاه لقيتها مطلعتش تانى...
رحت مكلم الاسعاف...
وانا واقف باكل جيلاتى......

طبعا الدكتور بكل الاطه...
قال دا الجرح محتاج خياطه..
بطلوا هزار البوابين ده شويه...
اصل الحياه مش ناقصه غتاته...

وانا واقف باكل جيلاتى......

وبعدين رجعت على بيت مامتها...
ولمت ابوها وخالها وخالتها...
وكانوا ناويين يدونى علقه..
وبمكالمه كده قومت مسكّتها...

وانا واقف باكل جيلاتى......

قالتلى تعالى خدنى علطول...
وانت جاى هات المحمول...
وياريت كمان بقه كارت شحن...
صدقنى هتبقى حياتنا كوول...

وانا واقف باكل جيلاتى...

رحت قافل فى وشها السكه..
وقولت ياللا هيا علقه....
وخليها قاعده عند حماتى..
وافضل انا اكل جيلاتى....