تفاحه عضو مرح
عدد المساهمات : 120 تاريخ التسجيل : 09/01/2010
| موضوع: حوار مع مواطن 2010 الإثنين مارس 01, 2010 3:08 am | |
| ">مذيعه: اسم حضرتك
المواطن: حماده
المذيعه: احكى لنا شوية عن ايام زمان
المواطن: أحكى ايه ولا ايه ولا ايه عن زمان ....والنبي متفكرنيش بايام العز....ايام
الرخص...أيام الاحترام....
طب ده انا مثلا فاكر من حوالى 40 - 45 سنة كدة كان الواحد مننا ياخد من ابوة
المصروف10او 15 جنيه فى اليوم وكانوا بيكفوا...ومابيفتحش بقه...مش زى
دلوقتى....الله يكون فى عوننا....ده انا فاكر ان عمرى ما ناقشت بابى رحمه الله ف
المصروف....
زمان الواحد كان محترم في لبسه كان الولد لابس البادي الكات
والبنطلون الجينز الديرتى المقطع و خلاص.....والبنت تلاقيها ماشية باحترامها
لابسة المينى جيب
والبادي الضيق او البادى الاستوماك او البنطلون الاستريتش و خلاص..
.لكن لبس اليومين دول....مايتوصفش....اجارك الله
زمان المصاريف كانت محدودة ...فين ايام ما كيلو اللحمة كان بـ 45
جنيه بس....
كانت ايام.... وبعدين زمان كانت ابواب البيوت تتقفل من بدري يعنى الساعة 4الفجركدة..وكان
الابهات ليهم شنة و رنة....يعنى ماتلاقيش واحد بيعلى صوته على ابوه
و لا بيمد ايده على امه....
غير لو زعقوا له او ابتدوا معاه بالصوت العالى....
زمان كنا بنذاكر على الاغانى الطربية الاصيلة....فين ايام الاغانى
الاصيلة زى بحبك يا حمار و العنب العنب العنب وشربت حجرين ع الشيشه وكوكا كوكا مثلا...
.لكن اغانى اليومين دول لا ليها طعم ولا لون و الكلمات بقت
مبتذلة ومالهاش معنى....طب بذمتك كدة قارنى بين مطربات زمان زى الست روبى و الست دانا و الست هيفا....
لكن مغنيات اليومين دول بيعتمدوا على جسمهم و على المسخرة....
فين ايام الفن الاصيل
زمان كانت البنت لما تقابل صاحبها اللى بقى لها كتير ماشفتهوش تبوسه
وخلاص مش زى بنات اليومين دول قلالات الادب..... ش وبعدين زمان بصراحة بقى كانت المذيعة تقعد قدام الضيف او جنبه
مش على رجله زي ما انتى عاملة كدة....
المذيعة: قول للزمان ارجع يا زمان
منتديات مرح .....فى انتظار الردود | |
|
مدام نهله عضو مرح
عدد المساهمات : 187 تاريخ التسجيل : 19/11/2009
| موضوع: رد: حوار مع مواطن 2010 الثلاثاء مارس 02, 2010 4:33 am | |
| هههههه ده مواطن مش عاجبه حاجه | |
|
بوسى مشرفه عامه
عدد المساهمات : 761 تاريخ التسجيل : 17/09/2009
| موضوع: رد: حوار مع مواطن 2010 الأربعاء مارس 03, 2010 1:27 am | |
| جميل يا تفاحة مجهودك جميل مشكورة | |
|
شهرازاد مشرفه المنتدى الادبى
عدد المساهمات : 559 تاريخ التسجيل : 31/05/2009 العمر : 36
| موضوع: رد: حوار مع مواطن 2010 الأربعاء مارس 03, 2010 2:00 am | |
| هههههه جميل الحوار ده شكرا يا تفاحه | |
|