شوية اسال عوزة اجاية عليها

\ هو ليه لو فيه اتنين مرتبطين الولد يقعد يقول للبنت انتى متعمليش كذا وكذا وكذا وهو ممكن بيكون بيعمل الحاجات دى ولو قالتله هى كده ممكن تحصل مشاكل بينهم

زى يقولها انتى متكلميش ولاد ولا يكون ليكى تعامل معاهم فتساله ليه يقولها اصل البنت المحترمه بتكون كده

طيب ما انت تعرف بنات وبتكلمهم عادى يبقى هم ايه؟؟؟ وانت نظرتك ليهم بتكون ايه؟؟؟؟؟؟؟



2\ لما الغيره تتحول لشك وحد من الطرفين يبداء يشك ف كل كلمه الطرف التانى يقولها ودايما يكون مصمم ان الطرف التانى بيكون مخبى عليه حاجات ساعتها ايه يكون الحل؟

3\ ليه الولد لو اعجب ببنت ممكن يروح يقول لاهله ومعظم الاهل بيرحبوا وعادى جدا ولو جت بنتهم قالت انها مجرد اعجبت بشخص

الدنيا تتقلب عليها ويقولوا البنت المحترمه والكويسه مش تقول كده او بمعنى اصح هم بيكونوا قصدهم

ازاى بنتهم تحب واحد ده بيكون حاجه مش كويسه والناس لو عرفت هتقول على بنتهم انها مش كويسه

طيب ما الابن لما بيحب ويقول لاهله عادى طيب والبنت الى بيحبها وهى بتحبه ايه موقفها مش هيتقال عليها برضو انها......

وكمان هو ازاى الواحد يتحكم فمشعره يعنى هو الحب ده ولا الاعجاب بريموت امشى يمين يمين شمال شمال

حب ده ومش تحب ده؟؟؟؟؟ ( ده مش كل الناس بس المعظم)




4\ بنتين اخوات علاقتهم ببعض كويسه اوى واحده ليها صحبتها معجبه او بتحب واحد والبنت بتسمع ليها وبدتيها نصايح

تيجى اختها تحب ولا تعجب بحد وتروح تقولها ازاى ومش ازاى انتى لازم تبعدى عن الانسان ده وممكن يكون واحد كويس ومعروف عنه كده

طيب ليه لما صحبتك بتيجى تقوك انها معجبه او بتحب شخص مش بتقوليلها كده؟؟؟؟؟؟

هو مش لو غلط اختك او حتى لما بيكونوا قرايب تحب يبقى غلط برضو على صحبتك وتحاولى تمنعيها؟؟؟؟؟؟(برضو ده مش الكل بس المعظم)



5
\ هو احنا ليه مش بقينا زى اهلينا زمان يعنى معظم اهلينا لما كانوا ف سننا يقولوا احنا هنربى اولادنا بنفس الطريقه والمبادىء الى مشينا عليه

دلوقتى نادر لو حد قال كده ممكن نقول الحياه اختلفت بس عمر ما المبادىء بتختلف ايه السبب فده؟؟؟؟؟



6\ هو لسه فى حد بيقول انا فارس احلامى يبقى زى بابا او فتاه احلامى زى ماما فى لسه ناس كده ولالا؟؟ ولو مافيش او بعدد نادر ايه السبب فكده؟؟؟؟




7\ الغيره انواع فى الى بيغير ان حد يكون احسن منو فشىء فبيحاول انو يوصل لنفس المستوى وده بيكون فحاجات كتير
اذا كان دراسه او حتى المستوى المعيشى والاقتصادى

وفيه ناس الى بتغير على اهلها والى بيحبوهم يعنى اى حد ليهم صله بيه

وفى ناس بقى بتغير من كل حاجه

امتى الغيره تكون بتاذى الانسان وممكن تضره؟؟؟؟

لان المجتمع ده كده الولد حر شويه عن البنت الولد مش هتفرق كتير معاه لكن البنت تفرق معاها اوى

بس يا شريف هو بيقول ما تكلمش مع دى و متسلمش على دى وهو بيعمل كل دى هو يعنى ما البنات ممكن تكلم مع ولد كتير لكن هو بيقول دايمن انا ولد مشكور يا شريف على المرور الجميل اسعدنى

كلامك صح ده بيحصل يا بوسى

ميرسى يا شهرازاد على المرور الجميل